Ütskõrd pere lahutedi

Ütskõrd hõimul panti piir

Suuremp hulk sai säksa orjas

Meist sai vilets vinne viir

 

 Soostsaadik sada hätä

Umah kaalah kannimi

Surbi meid õks säksa rüütli

Vinne vürsdi vindsodi

 

 Eesti vele – maamihe

 Nuuki leije põlgama

  Ummi velju setokõisi

Võhivõõras pidämä

 

Küll oll rassõ ello ellä

Setol Pühä Maarja maal

Küll oll kipõ kodo tetä

 Katõ ilma veere pääl

 

 Siiski esä – esä kombõ

Joudse hoita alalõ

Uma keele, valgõ rõiva

 Vana hüä süäme

 

Ku mi Eestil küllä tulli

Ummi vanno laulega

Är sis veli vele tundsõ

 Sugu nakas selgümä.

 

Või ei uma võõras jäijä-

Arm peab appi astuma

 Vana kannu katte võssu

Püüdmä kokko kasvat

 

Üteh meeleh, üteh mõttõh

Tööle tule nakata

Haridus mi tulõvikuh

Ülemptsiht piät olõma

 

Et mi latsõ sammu pitä

 Jovvasi õks tõistõga

Et saas valgõt päivä nätä

Tulõvikuh Setomaa 

Tagasi Räpo Jaani mano